Það sem manni dettur ekki í hug !

Jæja stelpur mínar, ýmislegt er ég búin að afreka síðastliðna viku.  Hreingera hálft húsið hjá okkur hjónakornunum, og mikið fja...  var mikið ryk og drasl, veit ekki hvaðan þetta kemur, eða þannig sko. Þegar loksins fór að hlýna, þá út í garð, moka mold og klippa runna, var að verða vitlaus og stórslösuð ! ! (jæja, örlitlar ýkjur) við að hreinsa undan hansarósunum, svo það endaði með því að ég klippti  þær niður í stubba! ! ! Rúsínan í pylsuendanum var sú, að frúin hún ég, ákvað að gera SLÁTUR og gerði það, og nú sýður í mínum sláturpotti, í maí mánuði. Maður er nú örlítið  bilaður. Svona er það þegar allt á að gerast í einu. Okkur hjónakornunum var boðið á árshátíð  Granda til Reykjavíkur, ókeypis flug frá Egilst - Reykjavík - Egilst, frí hótelgisting m/morgunverði, auk kvöldverðar á árshátíðinni, en þetta er auðvita á fyrstu vinnuhelginni minni, alveg dæmigert, svo það er bara best að vera bara ánægð  í vinnunni sinni og gleyma þessu. Gengur betur næst. Kveðja til ykkar allra, Kolbrún Pé.

Athugasemdir

[Móðir, kona, sporðdreki:), 23.5.2008 kl. 21:15]

Dugleg kona, haha gat nú ekki annað en hlegið þegar ég las um sláturgerðina, en því ekki að gera slátur í maí alveg eins og sept. Fúlt með suðurferðina alltaf gaman að fá að gista á hóteli og fá frítt að snæða:) Gangi þér vel í öllu þessu sem þú ert að gera:) Kv Ernan

[Ragnheiður Sigfúsdóttir, 23.5.2008 kl. 22:40]

Þú ert kjarnorkukona kveðja Ragnheiður

[Anna Ruth Antonsdóttir, 24.5.2008 kl. 22:56]

Já þetta fer vel saman tiltekt  og að sjóða slátur, en frekar spælandi að komast ekki suður en það er kannski eins gott vegna þess að veðurspáin er alveg frábær hjá ykkur næstu daga, njótu veðursins og verknámsins  gangi þér vel Kv Anna Ruth