Orkusöfnun.

Jæja, þá er að safna orku í næstu próflotu, ég held að þetta próf verði léttara. Eins gott, maður er eins og undin tuska. Meira hvað maður tekur hlutina alvarlega, ég ætti að vera búin að  læra á fjarnám og þann feril, tók sjúkraliðan í fjarnámi og ætti því ekki að láta framhaldið pirra mig svona. Ég held að við gerum alltof miklar kröfur til okkar, okkur vantar eitthvað af kæruleysi unga fólksins.

Hvað með það, í gær brugðum við okkur einar fjórtán starfsstúlkur af hjúkrunardeildinni hérna heima í rútuferð til Fáskrúðsfjarðar, þangað var búið að bjóða okkur að skoða elliheimilið þar. Að sjálfsögðu beið okkar gott kaffi með öllu tilheyrandi að aflokinni skoðunarferð og upplýsinga um aðstæður aldraða á Fáskrúðsf. Alltaf gaman að sjá aðstöðu aldraða annars staðar.                                                                                                                                                Ferðin endaði með kvöldverð á gistiheimilinu Egilsstöðum, þangað mæli ég með að fólk fari ef það vill eiga notalega kvöldstund og fá gott að borða  í leiðinni.kv, kolbrún Pé.

Athugasemdir

[Anna Ruth Antonsdóttir, 4.5.2008 kl. 21:11]

Já vonandi verður næsta próf léttara, alla vega að maður kannist  við eitthvað sem er verið að spyrja um.. já við tökum þetta allt of alvarlega... það væri betra að hafa pínulítið af kæruleysi... .. þá verður sjokkið ekki eins mikið eftir próf... en þetta er allt að lagast og nú er bara snúa sér að næsta prófi... við breytum víst ekki síðasta prófi... Já það er alltaf spennandi að skoða önnur öldrunarheimili... og sjá hvernig hlutirnir eru þar... og bara líka að fara eitthvað saman vinnufélagarnir... gott að vita af gistiheimilinu ef maður er á ferð þar.... Jæja þá er að halda áfram alvörunni.... gangi þér vel að lesa....kv Anna Ruth