Loksins !

 Nú er ég ánægð með mig  , loksins tókst mér með góðri aðstoð að klára Excel verkefnin mín, og get farið að huga að hinum námsfögunum  , kannski fer ég að lesa eitthvað að viti í námsbókunum mínum, ekki veitir nú af. Væri kannski  gott að klára seinni gátlistann úr "Lollinu". Annars er veðrið svo gott hérna hjá mér núna að mig langar mest út á göngu. kv, Kolbrún Pé.

Alvaran tekin við.

Halló allar, þá er nú alvaran tekin við. Var að koma heim og það fyrsta sem maður gerir er að kíkja í tölvuna og sjá : ekki skortur á verkefnum næstu dagana (vikurnar)! ! Ferðin mín var í alla staði góð, sérstaklega þó sólin og lúxuslífið  á Tenerife, út að borða á hverju kvöldi og kíkt bara örlítið  í verslanir á daginn. Kveðja til ykkar allra, Kolbrún Pé.

Farin í fríið.

Halló allar, þá er ég að stinga af í frí (ekki að heyra að frúin sé stressuð eða hafi mikið að gera og skilji ekkert í vefverkefninu ), fríið samanstendur að tannlæknaferð til Reykjavíkur, ja svei, og gott helgarfrí erlendis í sólina ! ! Ég verð að segja að stundum horfi ég á dagatalið og hugsa: Kolbrún mín er ekki í lagi með þig hvað ertu að hugsa ! ! ég er ekki alveg búin að púsla saman hjá mér vinnunni, náminu og flakkinu. Síðastliðin hálfur mán. fór í heldur dapurlega reynslu, að sitja yfir tengdaföður mínum sem lá banaleguna og síðan jarðarför með því umstangi sem henni fylgir og svo að tæma og hreingera íbúðina sem hann dvaldi í. Svo ég segi bara, mikið erum við heppnar konurnar að geta gert marga hluti í einu . Búin að rausa nóg í bili, gangi okkur öllum vel námið.

kv, Kolbrún Pé.

Fara í flug.

Dýrt er það drottinn minn ! Kostar litlar 38,600 kr  að fljúga til Reykjavíkur og aftur heim á Vopna. Hvers eigum við að gjalda, ég bara spyr  ?

kv, Kolbrún Pé.

Stuttur sólarhringur

Hafið þið tekið eftir því hvað sólarhringurinn er stundum stuttur, mér finnst eins og hann sé í styttri kantinum hjá mér þessa dagana, það er verið að keppast við verkefni, sál og UTN. Það er alveg takmarkað sem ég skil í UTN, það vantar sennilega rétta forritið í mig.

kveðja til ykkar allra, Kolbrún Pé.

Próf

Sælar verið þið allar, þetta var nú meira fjörið "lol-prófið", ótrúlegt hvað heilastarfsemin hjá manni getur brenglast þegar á að gera eitthvað í svona tímapressu ! En allt gekk þetta nú, og ég er bara nokkuð ánægð með mig. Gangi ykkur öllum vel, sem eftir eiga að taka prófið.

kv, Kolbrún Pé.

það vetrar snemma.

Var einhver að kvarta undan rigningu, það er hvítt niður um miðjar hlíðar hérna í minni sveit, þessa stundina. Ágætis veður til að sinna lærdómnum,   sálfræðin er að vísu eitthvað að flækjast fyrir mér,  allar þessar stefnur og kenningar. Það mætti að mínum dómi fækka þeim um c.a. helming.

kveðja úr kuldanum, Kolbrún Pé.

Haust

Alveg er þetta ótrúlegt, bara komin oktober. Áðan þegar ég var að reyna að læra, var mér litið út um gluggann hjá mér og voru þá ekki sex fannahvítar rjúpur að spássera á lóðinni hjá mér. Afskaplega fallegar greyin, en í sumar voru þær (stundum tuttugu stykki í einu í garðinum) að gera mig gráhærða því þær átu góðan slatta af sumarblómunum mínum ! !  og grófu sér holur í blómbeðin og rótuðu mold yfir stokka og steina. En fallegar eru þær.

kveðja, Kolbrún Pé.

 

Fyrsta bloggfærslan í vetur.

Ýmislegt tekur maður sér fyrir hendur, en að fara að blogga ! hélt að það yrði það síðasta sem ég myndi gera. En allt breytist. Nágrannakonan mín  er að tapa sér í því að kenna mér og ekkert gengur.

•  Það sem pirrar mig mest er............að vera svona tölvuheft ! !
•  Það væri sniðugt ef til væri.............tímaframlenging á sólarhringinn.
•  Af hverju er ekki boðið upp á.........sáluhjálp fyrir stressaða nemendur.

Þetta er það fyrsta sem mér datt í hug varðandi þetta verkefni. Vonandi gengur ykkur hinum vel að vinna þetta verkefni.

Sjáumst, heyrumst.

kv,Kolbrún Pé.