Mikill fjölbreytileiki !

það er ekki von þó að íslendingar geti alltaf talað um veðrið. Í gærkveldi kom ég heim frá Egilst. og fór Hellisheiðina sem er að vísu ansi há, mig minnir meira en 600 m. yfir sjávarmáli. Það var frost uppi og snjóföl á vegi  ! Í dag hefur slyddað á láglendi hjá mér, hvítt af snjó niður í miðjar hlíðar og Hellisheiðin orðin ófær  ! Ég fer nú bara að athuga þetta með dagartalið, ég hélt að það væri komið sumar ! ótrúlegt, ég segi ekki annað. Annars er veðrið  búið að leika við okkur austfirðinga það sem komið er af þessu sumri, þar til nú.

Nú er ég hálfnuð með verknámið mitt og allt gengur vel, nóg að gera hjá HSA á Egilst. Búin að vera í heimahjúkrun eina viku og þvælast um allar sveitir héraðsins. Ég vinn tíu vaktir í lotu (ein vakt á hverjum degi) og á svo gott helgarfrí þess á milli. Þetta er að vísu dálítið  strembið en allt tekur þetta enda og þá verður maður afskaplega feginn. Hafið þið það sem allra best, kveðja, Kolbrún Pé.

Athugasemdir

[Anna Ruth Antonsdóttir, 27.6.2008 kl. 09:20]

Já þetta veður það er alltaf hægt að tala um það...því er stundum misskipt það er t.d. búið að vera mjög gott hér fyrir sunnan, ótrúlega mikil sól ( ég bara skil þetta ekki ) vonandi verður þetta svona áfram. Já það verður gott þegar verknámið er búið ég er sammála þetta er svolítið strembið en skemmtilegt og krefjandi, ég klára 5. júlí  gangi þér vel Kolbrún...

kv Anna Ruth